Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив

Ўзбекистон ФИФАнинг навбатдаги рейтингида топ-50га киради

Баҳо:
+ | -

ФИФАнинг навбатдаги рейтинги 15 сентябрь куни эълон қилинади. Мазкур рейтинг жадвалида Ўзбекистон терма жамоаси Топ-50га киришга муваффақ бўлади.

Хабарингиз бор, терма жамоамиз август ойидаги рейтингдан кейин 3та учрашувда майдонга тушди. Бабаян шогирдлари ўртоқлик учрашувида Буркина-Фасони, ЖЧ-2018 саралаш босқичи доирасида Сурия ва Қатарни мағлуб этишди. Мазкур ғалабалар натижасида Ўзбекистон ҳисоби 61 баллга бойиди. Оқибатда термамиз ҳисобидаги очколар сони 621 баллни ташкил қилмоқда. Бу эса Ўзбекистон терма жамоасига ФИФА рейтингининг кучли элликталигига (49-ўрин) кириш имконини беради. Терма жамоамиз 9 йилу 8 ойдан кейин топ-50га киришга муваффақ бўлади. Жамоамиз 2007 йилнинг январь ойида 45-ўринга кўтарилганди.

Термамиз Эрон (37-ўрин, 712 балл), Австралия (45, 643) ва Жанубий Корея (47, 634)дан кейин Осиёнинг тўртинчи жамоасига айланади. Саудия Арабистони (52) ва Япония (56) биздан кейинги ўринларни эгаллайди. ЖЧ-2018 саралашида биз билан бир гуруҳдан ўрин эгаллаган жамоалар қуйидаги ўринларни банд этишади: Хитой (78), Қатар (85) ва Сурия (114).

МДҲ ва Болтиқбўйи мамлакатлари орасида Ўзбекистон Украина (29 ва Россия (38)дан кейин учинчи ўринни эгаллайди.

Аргентина терма жамоаси бу сафар ҳам катта фарқ билан ФИФА рейтинг жадвалини бошқаради. Бельгия 2-ўринни банд этса, Германия бир поғона кўтарилиб, кучли учликка киради. Бразилия терма жамоаси эса бирданига 5та ўрин юқорилаб, 4-ўриинга чиқиб олади. Кучли бешликни Колумбия якунлаб беради.

Манба: stadion.uz
Киритилди: 15:31, 09.09.2016.
Ўқилди: 18775 марта.
Фикрлар: 4 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.