Аргентина футбол ассоциацияси (AFA) миллий терма жамоа учадиган самолётларни қўшимча текширувдан ўтказади.
Бразилиянинг «Шапекоэнсе» клуби самолёти ҳалокатидан сўнг ушбу чоралар жорий этиладиган бўлди. Бир ой олдин терма жамоа айнан шу самолётда парвоз қилгани аргентиналикларни ташвишга солди.
«Одатда биз бошқа авиакомпания хизматидан фойдаланамиз. Бироқ ўшанда буни имконияти йўқ эди. Авиакомпанияни танлови олдиндан амалга оширилади, аммо хавф ҳар доим мавжуд. Чунки ҳеч ким 100% кафолат беролмайди. Ҳалокатлар авиациянинг умумий муаммоси эмас, балки хусусий воқеадир» - деди AFA матбуот котиби Майкл Хирш.