"Манчестер Юнайтед" Англия Премьер-лигасининг 14-тури доирасида бўлиб ўтган "Эвертон"га қарши ўйинда яна муваффақиятсизлик учради.

Жамоа битта тўп фарқи билан ҳисобда олдинда бораётганида, Жозе Моуриньо ўйин сўнгида Мхитарян ўрнига Маруан Феллайнини туширди. Албатта, бундан асосий мақсад ғалабали ҳисобни ушлаб қолиш эди. Аммо Феллайни "қовун" туширди. Айнан у ўз жарима майдончаси ичида рақиб футболчисини йиқитди ва "МЮ" дарвозаси томон пенальти белгиланишига сабаб бўлди. Натижада манкунианликлар 2 очкодан маҳрум бўлишди.

Моуриньо, балки, Феллайнини майдонга туширганидан афсусланаётгандир. Балки, португалиялик мутахассис ярим ҳимоячини ўйиндан кейин роса... "онасини учқўрғондан кўрсатгандир"...