БААнинг Дубай шаҳрида 4 январь куни Осиё кураш конфедерацияси (KCA)нинг навбатдан ташқари Конгрессида Халқаро кураш федерацияси (IКА) президенти маслаҳатчиси сифатида фаолият олиб борган ўзбекистонлик Комилжон Рўзиев KCА президенти этиб сайлади.
Бу ҳақда IKА матбуот хизмати «Дарё»га маълум қилди.
IKA президенти лавозимида фаолият юритиб келаётган кувайтлик Ҳайдар Фармон 2013 йилдан буён Осиё кураш конфедерациясига ҳам раҳбарлик қилаётган эди. Ҳайдар Фармон KCА президенти лавозимига Комилжон Рўзиев номзодини илгари сурди ва конфедерацияга аъзо 25 давлат вакилларининг барчаси номзодни қўллаб-қувватлади.Конгрессда, шунингдек, 2018 йили Индонезияда бўлиб ўтадиган Осиё ўйинларига тайёргарлик кўриш ва минтақада кураш спорт турини ривожлантириш масалалари ва бошқа ташкилий масалалар кўриб чиқилди.