Германиянинг 2016 йилдаги энг яхши футболчиси деб топилган мамлакат терма жамоаси ҳамда "Арсенал" клуби яримҳимоячиси Месут Ўзил ҳиссиётлари билан ўртоқлашди.
"Бу совринни қўлга киритганимдан хурсандман. АПЛнинг ўтган мавсумида жароҳатлардан қочиб юрган эдим. Ҳозир Лондон жамоасида ўзимни қулай ҳис қиляпман. 2016 йилда ўз ҳаётимда баъзи бир нарсаларни ўзгартирдим. Масалан, парҳез ва машғулотларни. Бу менга жароҳат олиш хавфини камайтиришга ёрдам берди ва мен ўйинлардан сўнг тезроқ тикланяпман.
Бу соврин аслида менга муҳим эмас. Аммо минглаб мухлислар менга овоз бериш учун рўйхатдан ўтган эканлар, бу мен фахрга тўлдиряпти. Овоз берганлага раҳмат. Бу совринни келгуси йил ҳам сақлаб қоламанми, кўрамиз. Аммо осонликча таслим бўлмайман", - дейди Ўзил.
