«2016 йилнинг энг яхши оғир атлетикачиси» соврини учун номзодларга овоз бериш бошланди. Бу ҳақда Халқаро оғир атлетика федерацияси (IWF)нинг расмий сайти хабар берди.

Эркаклар ўртасида «Йилнинг энг яхши оғир атлетикачиси» номига Рио-2016 Олимпиадаси чемпиони ва рекордчиси ўзбекистонлик Руслан Нурудиновнинг ҳам номзоди кўрсатилган.

Номзодлар орасида, шунингдек, Нажот Раҳимов (Қозоғистон), Лаша Талахадзе (Грузия), Kиaнуш Рустамий (Эрон), Лонг Кингкуан (Хитой), Оскар Альберто Фигероа Москера (Колумбия) каби атлетлар ҳам бор.

Овоз бериш жараёни IWF’нинг расмий сайтида олиб борилмоқда ва 31 январда якунланади.

Аввалроқ, Олимпиада чемпиони, Рио-2016 Олимпиадасининг энг яхши боксчиси Ҳасанбой Дўстматов жаҳоннинг 2016 йилдаги энг яхши боксчиси деб топилган эди.

Сиз ҳам Нурудинов учун қуйидаги ҳавола орқали овоз беришингиз мумкин.