Кириш Регистрация
28/03 19:00 Динамо - Металлург
29/03 19:00 ОКМК - Бунёдкор
29/03 19:15 Қизилқум - Локомотив

Флойд Мейвезер: Конор Макгрегордан бошқа ҳеч ким билан жанг қилмайман

Баҳо:
+ | -

Америкалик собиқ боксчи Флойд Мейвезер UFC чемпиони Конор Макгрегордан бошқа ҳеч кимга қарши рингга кўтарилмаслигини айтди. 39 ёшли спортчининг сўзларини Boxingscene келтирди.

«Агар жанг Конор Макгрегорга қарши бўлса, мен учун бу аҳамият касб этади. Бошқа рақиб билан жанг қилишнинг маъноси йўқ. Мен бизнесменман. Одамлар кўнгилхушликни истайди. Жангни ташкил қила олсак, катта маблағ ишлаб оламиз», – деди Мейвезер.

14 январь куни Мутлақ жангчилик чемпионати (UFC) президенти Дана Уайт Мейвезер ва Макгрегор жанги учун ҳар икки спортчига 25 миллион доллардан тўлашга тайёр эканини маълум қилганди.

Флойд Мейвезер Конор Макгрегор ўртасида жанг бўлиб ўтиши мумкинлиги ҳақидаги хабарлар UFC чемпиони боксчилик лицензиясини олганидан кейин пайдо бўлди. Ирландиялик жангчи Мейвезер билан жанг учун 100 миллион доллар ишлаб олиш истагини билдирганди.

Маълумот учун, 28 ёшли Макгрегор фаолиятини 2008 йилда бошлаган. Шу вақтгача у 23 та жанг ўтказиб, 20 тасида (17 тасида нокаут билан) зафар қучган ва 3 тасида мағлубиятга учраган.

2015 йили боксчилик фаолиятини тугатган 39 ёшли Флойд Мейвезер профессионал рингда 49 та жанг ўтказиб, барчасида (26 тасида нокаут билан) ғалаба қозонган.

Манба: daryo.uz
Киритилди: 14:52, 16.01.2017.
Ўқилди: 10801 марта.
Фикрлар: 3 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.