«Барселона» бош мураббийи Луис Энрике «Леганес»га қарши бўлиб ўтган ўйин (2:1) борасида ўз фикрларини билдириб ўтди. Бу баҳсда мухлислар футболчиларга нисбатан ҳуштакбозлик қилишди.
«Мухлислар олдида жамоа учун мен жавоб бераман. Биламан, оғир, аммо футболчиларга ҳозир меҳр керак, ҳуштакбозлик эмас.
Андре Гомешга нисбатан нима учун ҳуштак чалишганини билмайман. Ўз ўйинчисига нисбатан ҳуштакбозлик қилишни мантиқсизлик деб ҳисоблайман, лекин ҳар бир инсон ўз эътирозини ўзига қулай тарзда амалга ошириш ҳуқуқига эга.
Бизни қўллаб-қувватлашганида, биз янада кучлироқ бўламиз. Андрега нисбатан қилинган муносабат эса мени ғазаблантиради», – деди Энрике.