«Барселона» ҳужумчиси Неймарнинг апелляцияси рад қилинди ва у суд олдида жавоб берадиган бўлди, деб хабар бермоқда ESPN FC.
Футболчининг 40% трансфер ҳуқуқига эгалик қилган DIS инвестиция компанияси раҳбарияти уни жазоланишини талаб қилмоқда. Гап шундаки, 2013 йилда Неймарнинг «Сантос»дан «Барселона»га трансфер қилинишида, компания ўзига тегишли улушни ололмаган. Дастлаб, Неймарнинг трансфер нархи 57 млн евро деб эълон қилинган, кейинроқ эса, бу нарх кескин камайтириб кўрсатилгани аниқланган. Айни пайтда, «Барселона», «Сантос» ва Неймарнинг отасига тегишли компания фирибгарликда айбланмоқда.
Бу ишни олиб бораётган Испания прокуратураси Неймарни 10 млн евро жаримага тортиб, 2 йилгача қамалишини талаб қилган. Аммо, иш билан таниш манбалардан бирининг маълумотига кўра, «Барселона» ва «Сантос» 15 млн евро жаримага тортилиб, Неймар шартли равишда жазоланиши мумкин.
