Рим шаҳрининг "Олимпико" стадионига эгалик қилувчи Италия Олимпия қўмитаси раҳбарияти бу мавсумда мамлакат кубоги финалини ўтказиш учун бермасликка қарор қилди.

Бу қарорга футбол лигаси раҳбари Маурицио Береттанинг "Ювентус" ва "Наполи" жамоалари ўртасидаги финал ўйини пойтахтликларда қизиқиш уйғотишига шубҳа қиламан, деган гапидан кейин келинди.

"Биз бу масалани бошқа кўриб чиқмаймиз. Жаноб Беретта бир йил олдин "Интер" ва "Палермо" ўртасидаги ўйин "Олимпико"да аншлаг остида ўтганини унутган кўринади. Лига раҳбарияти муаммоларни оғриган бошдан соғлом бошга кўчирмоқчи", - дея қўмита президенти Жанни Петруччининг сўзларидан иқтибос келтиради Football Italia.