АПОЕЛ бош мураббийи Иван Йованович чемпионлар лигаси 1/4 финали биринчи учрашувида "Реал"дан учралган мағлубиятни (0:3) шарҳлади.
"Ҳисоб ҳаққоний бўлди. Биз "Реал" шаштини қайтаришга уриндик, лекин ўйин охирига яқин у ўйин темпини оширди ва биз ҳеч нарса қила олмадик. Бундай рақиб билан ўйнаш - биз учун катта совға. Биз "Реал"нинг маҳоратини ўз кўзимиз билан кўрдик. "Реал" деярли ярим финалда, бунга шубҳа йўқ. Менимча финалга чиқади ва ғалаба қозонади.
Жавоб ўйини қийинроқ бўлади. Биз турнирни фахр билан тарк этишимиз учун, бор кучимизни сарфлашимизга тўғри келади. Бизнинг бу қатнашувимиз нафақат клуб тарихида, балки Кипр тарихида зарҳал ҳарфлар билан ёзилади", - дея унинг сўзларидан иқтибос келтиради УЕФА расмий сайти.