Москванинг "Спартак" клуби ҳужумчиси Эмммануэль Эменике "Динамо" билан бўлиб ўтган ўйинда амалга оширган "ҳунари" учун жазоланиши мумкинлиги ҳақида хабарингиз бор. Эсингизда бўлса, ўйин тугагач, майдондан чиқиб кетаётган нигериялик ҳужумчи "Динамо" мухлсларига қарата ўрта бармоғини кўрсатган эди.

Унинг бу ҳатти-ҳаракати РПЛ тартиб-интизом қўмитаси томонидан кўриб чиқилаяпти. Яқин кунларда қўмита Эменикенинг бу ҳатти-ҳаракати учун жазо тайинлаши мумкинлиги ҳақида маълумотлар бор.

Футболчининг ўзи эса мазкур воқеа юзасидан чиқиш қилди ва айбини тан олишни истамади.

"Ўйин пайтида менинг ёнимга "Динамо"нинг бир нечта футболчилари келишди ва менга қор отаётган ва мени тинмай сўкаётган фанатларга эътибор бермаслигимни сўрашди. Бошида улар айтганидек индамадим. Аммо уларнинг бундай ҳатти-ҳаракатлари ўйин якунигача тинмади. Менга ўйин оҳирларида яна қор отишди ва маймун дея ҳақорат қилишди. Мен илгари бундай ҳолатларга ҳеч ҳам тушмаганман. Шунинг учун менга лама қилди.

"Қолаверса, бу "Динамо" мухлислари томонидан менга нисбатан биринчи маротаба содир бўлаётган ҳаракат эмас. Ноябр ойида уларга қарши ўйинимизда стадионга менинг акам ва бир яқин дўстим ҳам ташриф буюрганди. Ўшанда "Динамо" мухлислари уларни ҳар ҳил имо-ишоралар ва бақир чақирлар билан қарши олган. Маймунга ўхшаб садо чиқаришган. Оқибатда менинг қариндошларим стадионга кирмай ортга қайтиб кетишган",-дейди футболчи ўзини оқлаб.

Ўтган куни Халқаро профессионал футболчилар Ассоцияцияси Эменикени "Динамо" клубига қарши кечган ўйиндаги ҳатти-ҳаракатини жазолашни сўраб, РФИга мурожаат қилишганди.