Қаршининг "Насаф" жамоаси ўйинчиларига утган "Нефтчи" билан бўлган ўйиндан кейин қисқа танаффус беришган эди. Бугун ана шу танаффусдан сўнг ўйинчилар яна клуб базасида йиғилишиб, машғулотларга киришади.
Хабарингиз бор, "Насаф" жамоаси 16 июн шанба куни Тошкентда "Бунёдкор" жамоасига қарши майдонга тушади, шубҳасиз ушбу ўйин Олий лига 10-турининг марказий учрашувларидан бири бўлиши мумкин. Бу учрашувга "Насаф" жамоаси утган мағлубиятни унутиб, пухта тайёргарлик кўриши талаб этилади.
Шунингдек, миллий терма жамоамиз сафига таклиф этилган "Насаф"нинг ёш ҳужумчиси биз мухлисларнинг ёқимтойи - Кенжа Тўраев ва 1-сонли, моҳир дарвозабонимиз - Муроджон Зуҳуров ҳам жамоамиз сафига келиб қўшилиши кутилмоқда.